परिचय आणि लोगोचे महत्त्व

छत्रपती शाहू महाराज संशोधन, प्रशिक्षण व मानव विकास संस्था (सारथी), पुणे ही महाराष्ट्र शासनाची नियोजन विभागाच्या अधिपत्याखालील दिनांक 25 जून, 2018 रोजी कंपनी कायदा 2013 च्या कलम 8 अन्वये स्थापन करण्यात आलेली नॉन-प्रॉफिट कंपनी आहे. महाराष्ट्र राज्यातील मराठा, कुणबी, मराठा - कुणबी व कुणबी -मराठा या लक्षित गटातील समाजाच्या सामाजिक, आर्थिक व शैक्षणिक विकासाकरिता या कंपनीची स्थापना करण्यात आली आहे. महाराष्ट्र राज्यातील मराठा, कुणबी, मराठा - कुणबी व कुणबी - मराठा या लक्षित गटातील समाजाची सामाजिक, शैक्षणिक व आर्थिक परिस्थिती सुधारण्यासाठी विविध सर्वेक्षण घेऊन कृती संशोधनाआधारे विविध कार्यक्रमांचे नियोजन व आखणी करणे. संस्थेच्या स्थापनेमागील उद्दिष्टांचा विचार करता लक्षित गटाला सामाजिक, शैक्षणिक व आर्थिक विकासासाठी संशोधन करून माहितीचे संकलन व पृथ्थकरण करणारी “शिखर संस्था” म्हणून सारथी संस्था कार्यरत आहे. लक्षित गटाच्या समाजातील विविध समस्यावर जाणीव जागृती करून विशेष व पथदर्शी प्रकल्प वेळोवेळी हाती घेण्यात येत आहेत. छत्रपती शाहू महाराज संशोधन, प्रशिक्षण आणि मानव विकास संस्था (सारथी), पुणे या कंपनीच्या रजिस्ट्रार ऑफ कंपनी (Registrar of Companies) कडून मंजूर केले नुसार पदसिद्ध सदस्य आठ आहेत त्यामध्ये विविध विभागांच्या सचिव दर्जाच्या अधिकाऱ्यांचा समावेश आहे. मंजूर केलेनुसार पदसिध्द सदस्य खालीलप्रमाणे आहे.